kay 發表於 2026-4-14 18:21
唔好咩都話九巴搞死先
一開始未有沙中線，當年推$5.1,$4.9 車就已經全部減晒落去，務求迫乘客上5C，甚至297,85X,106 呢啲已經接近$10 嘅線。早上繁忙時間下路落紅磡站，11K 21 係前後腳嘅，去旺角嘅6F 係匿埋喺6C 後面嘅，要快嘅去坐28M啦，要Upgrade 客嘅真係要Upgrade 埋條線嘅服務質素。流水線本身就係要單價低頻密先會養得到班客。見到啲車有排先到，或者收我10蚊，嬲嬲地行吓路落去紅磡黃埔當做下運動就算，都真係唔少次由貴州街行到去家維邨先見到11K 12A，咁俾錢都係同樣時間先到，倒不如靠自己。
其實都唔係話你11K 21 開25-30 分鐘一班係一個問題，但係當時紅磡站夜晚放車就係11K 開完5分鐘開21，然後再真空20分鐘，跟住無客就話佢哋條線唔掂，講咗咁多年咁多條線都係聯合一齊到嘅班次，唔同總站放車都算，同一個總站放車都係咁。其實係本身趕客所以先唔掂。你去坐5C又唔一定有位坐，成個乘車體驗就係一係等一係企，所以後來索性轉其他方法返去。唔好講坐鐵嘅直接坐沙中線，我當時係坐紅隧車去轉車嘅，而家無論紅隧線定係下路車都係疏嘅時候，真係不如落地底算。
對價格唔敏感嘅客，當初大部分肯Upgrade 上11X 15X 297，又或者去咗紅頂嘅客係追求有車就上，快嘅，而家就「Upgrade」 埋去地鐵。剩低想舒服嘅，而家巴士無論係溫度定係班次都開始俾唔到大家覺得舒服，於是坐小巴或者落地底算，企係街度等15分鐘，不如落地底企15分鐘，可能目的地都到。咁最後真係得返班想平嘅想慳錢，正正就係九巴唔想做嘅乘客。九巴要搞清楚你想做Feeder 定係直車，而家做Feeder 又唔穩定又唔密又唔平，直車又變轉車站概念。你Sell 有位坐? 又唔保證，Sell 快? 九巴一向出名兜多幾個地方，Sell 密? 而家25/30 係常態，咁你Sell 咩呢，真係Sell 你啲綠色電車吸引咩。
比多條橋九巴，整個$400 版本既月票，多過$10嘅車要補錢，咁對於價格敏感嘅乘客來講，就真係見車就上，去到中間再轉車，又或者學倫敦整番個一日Cap，坐九巴一日$50 封頂，咁可能就真係引得到班客。同埋Ecoin 太難儲喇，不如考慮下共通下啲Yuu 易賞錢，你班乘客坐得巴士嘅係玩呢啲。
5C係要做密嘅，但係對於曾經住過下路嘅居民來講，每次係尖沙咀坐5C，就會覺得隔離5仔同28 又快啲，唔係碼頭嘅仲要貴多一級。我講做密11K 嘅前提係，如果要3B 21 死嘅話，咁做返密一條11K，唔洗走入去尖沙咀塞車影響回車其實係有需要。
講左咁耐，其實主要都係覺得點解一個乘客會轉會，好多原因，但係似乎好多都係九巴一手造成 ，又減班，又Upgrade 價錢牌(然後Upgrade完再減)，兜路，Cut線，同路嘅車又唔一定同一個站牌，咁無啦走啦落地底啦坐Uber 啦。
AtrHenu 發表於 2026-3-25 20:18
巴士仔架21唔係上路要直車去彩虹和紅磡火車站服務,叫架26提供白虹樓至平治街的雙分短程巴士站拍卡服務收2 ...
講重疊？
性質同3B/5C唔同，依家係慈雲山有2架下路車，只係上落山用唔同路。
21同26一個上路一個下路，都唔夠3B同5c重疊得多，斬3B係比斬21更有say
chunwah1908 發表於 2026-4-14 15:29
其實就係九巴自己搞死班流水客，未開沙中線都已經咁樣玩。現實上黎講106個分段肯平多少少，半個鐘一班特 ...
12A嘅班次同客量本身就好過另外三條
你唔攞佢嚟計 淨係計11K/21 真係幾好笑
chunwah1908 發表於 2026-4-15 08:50
一開始未有沙中線，當年推$5.1,$4.9 車就已經全部減晒落去，務求迫乘客上5C，甚至297,85X,106 呢啲已經接 ...
或者咁睇，可能巴士公司都唔在乎呢班客轉會呢，反正開密d又蝕多d，好似而家美團咁，多左生意但蝕多左，所以巴士公司索性倒客減車，拉勻蝕少d。
近10年，各大巴士公司已經用實戰証明了，平價流水線，點做都死，要做流水就要做貴，貴得來都仲可以一個單幾水客，呢d先符合口味，例如1A，26，290A。或者好似3D咁，一個單30分鐘，又少燈，又多流水。就算係17，都係因為客量極高，冇替代品，所以繁時先開密，一到非繁已經去番15。
本來5C, 6C都做緊呢個貴少少既流水功能，但客量真係跌左，特別係5C，而家情況都幾麻煩，有極大進一步減班的空間，而6C要去到真係斬走條6F先叫穩定。
toyl 發表於 2026-4-15 09:05
講重疊？
性質同3B/5C唔同，依家係慈雲山有2架下路車，只係上落山用唔同路。
當初收到消息話想斬21，我都覺得奇。雖然21客量一般，但未至於冇客，而且站站都有客上落，長者客又多，反之3B係完全冇呢d客路。
不過，用11拉上山去代3B，做法不理想，搵5和5C重組去將成條3B斬掉，保留11不上山，可能是更好，否則成個pool都係蝕到喊。
FBI2 發表於 2026-4-15 10:45
當初收到消息話想斬21，我都覺得奇。雖然21客量一般，但未至於冇客，而且站站都有客上落，長者客又多，反 ...
5 號同 3B 全程價位不一樣啊
搵 11 應該係同 3B 同價才搵吧
FBI2 發表於 2026-4-15 10:41
或者咁睇，可能巴士公司都唔在乎呢班客轉會呢，反正開密d又蝕多d，好似而家美團咁，多左生意但蝕多左，所 ...
290A先好例子，搵長途線做埋流水
近年九巴鍾意整長途大流水就你因為收得貴
搵條短途做流水都收唔過十蚊，依啲線梗係唔想做
大雞唔食細米
FBI2 發表於 2026-4-15 10:45
當初收到消息話想斬21，我都覺得奇。雖然21客量一般，但未至於冇客，而且站站都有客上落，長者客又多，反 ...
我又理解回解拉11上慈雲山
就係貪佢易斬，拉5號仔上去會斬唔到線
九巴最終目的都係想斬埋11，又慳多幾架車
xdxd 發表於 2026-4-15 10:16
12A嘅班次同客量本身就好過另外三條
你唔攞佢嚟計 淨係計11K/21 真係幾好笑 ...
我個回覆無唔計12A，我都有話12A 係要做返好
但係本身11K 同 21 紅磡站出車，12A 唔係，我講緊11K 21 嘅問題係同一個總站都無夾好班次嘅問題，甚至乎其實拉埋12A 落去，啱啱撳入去北拱街東行開始睇
平價線ETA 係 3B －到站，11K－16分鐘， 12A－16分鐘，21－18分鐘 。站位唔同係另一個問題，12A 停孖庶街，11K 21 停家維邨。本身班次係有得執，而最容易執好嘅就係紅磡站出嘅11K 同埋21，又或者唔做21就做番密少少11K。
如果3B冇咗嘅話，如果下路呢一堆平價車繼續拖埋一齊到，咁就拖埋一齊再減班，咁班客就走。
咁如果下路價位低嘅 3B 11K 12A 21，其實兩條紅磡灣兩條紅磡站，我個回覆係，如果要殺3B 21，其實做返好11K 同 12A 嘅服務先可以留住啲客。12A 賬面班次其實唔差，但係間唔中其實都收車落到25分鐘一架，尤其係星期六日嘅時間。
我個回覆係講緊，做密幾條主要嘅，包括停正迴旋處富豪東方嘅，同埋唔停嘅11K 12A ，原因係11K 本身唔容易被取代，12A 本身就好多獨市位。
倒返轉落紅磡方向，本身3B/12A 同埋 11K/21 其實都有少少唔同嘅客源，上紅磡站同埋入黃埔。我亦都講咗，就係幾條線本身班次分工係唔好，所以拖住一齊到，不過大家又會話好難控制，當然都係一個因素，但係到底係唔想協調定係冇得協調呢。
chunwah1908 發表於 2026-4-15 08:50
一開始未有沙中線，當年推$5.1,$4.9 車就已經全部減晒落去，務求迫乘客上5C，甚至297,85X,106 呢啲已經接 ...
咁好現實有數圍就唔會3B 8A都唔做
796X得返單邊
其實都唔只一個版友講
下路一拖卡後面既車基本上無流水執